🔴 बदलापूरमध्ये राजकीय स्फोट! ⚠️ जीवे मारण्याची धमकी 👤 नगरसेवकाच्या वडिलांसह 4 जणांवर गुन्हा 🚔 पोलिसांत FIR दाखल

🔴 बदलापूरमध्ये राजकीय स्फोट!
⚠️ जीवे मारण्याची धमकी
👤 नगरसेवकाच्या वडिलांसह 4 जणांवर गुन्हा
🚔 पोलिसांत FIR दाखल

🔴 बदलापूरमध्ये धमकी प्रकरणाने राजकारण पेटले; नगरसेवकाच्या वडिलांसह चौघांवर गुन्हा
बदलापूर (प्रतिनिधी) – बदलापूर शहरातील राजकीय वातावरण पुन्हा तापले असून भाजपा आणि शिवसेना यांच्यातील वाद उफाळून आला आहे. शिवसेना बदलापूर शहराचे प्रवक्ते सुदाम घुगे यांना जीवे मारण्याची धमकी दिल्याच्या आरोपावरून भाजपाच्या विद्यमान नगरसेवकाच्या वडिलांसह चौघांविरोधात बदलापूर पोलीस ठाण्यात गुन्हा दाखल करण्यात आला आहे.
📍 घटनेची पार्श्वभूमी
बदलापूर शहरातील कात्रप तलाव परिसरात एक अनोळखी मृतदेह आढळून आला होता. या घटनेनंतर परिसरातील सुरक्षा व्यवस्थेबाबत प्रश्नचिन्ह निर्माण झाले होते. याच पार्श्वभूमीवर शिवसेना प्रवक्ते सुदाम घुगे यांनी तलाव परिसरातील बंद पडलेले सीसीटीव्ही कॅमेरे सुरू करण्याची तसेच त्या ठिकाणी सुरक्षा रक्षक नेमण्याची मागणी बदलापूर नगरपालिकेकडे केली होती.

सदर मागणीमुळे नाराजी निर्माण झाल्याचे सांगितले जात असून, त्याच पार्श्वभूमीवर ३१ मार्च २०२६ रोजी नरहरी कृष्णा पाटील (माजी नगरसेवक), शरद कृष्णा पाटील, मयूर नरहरी पाटील आणि जगदीश बाळाराम पाटील यांनी सुदाम घुगे यांना जीवे मारण्याची धमकी दिल्याचा आरोप आहे. तसेच धक्काबुक्की केल्याचाही दावा करण्यात आला आहे.

या प्रकरणी सुदाम घुगे यांच्या तक्रारीवरून दिनांक २/०४/२०२६ रोजी बदलापूर पोलीस ठाण्यात संबंधित चारही आरोपींविरोधात गुन्हा नोंदविण्यात आला आहे. पोलिसांकडून पुढील तपास सुरू असून, या घटनेमुळे शहरातील राजकीय वातावरण ढवळून निघाले आहे.
🛑 जीवितास धोका असल्याची भीती
सुदाम घुगे यांनी आपल्या जीवितास आरोपींकडून धोका असल्याचे सांगितले असून, पोलिसांकडून संरक्षण देण्याची मागणी होण्याची शक्यता आहे.
👉 या प्रकरणामुळे बदलापूरमध्ये कायदा-सुव्यवस्थेचा प्रश्न पुन्हा ऐरणीवर आला असून, पुढील काही दिवसांत या वादाला अधिक राजकीय वळण मिळण्याची शक्यता वर्तवली जात आहे.

महाराष्ट्र नामा

मुख्य संपादक: संदीप जाधव