*🔥 दापोली बाजारपेठेत भीषण आग; हॉटेल सन्मानसमोरील दुकान जळून खाक*
दापोली : दापोली शहरातील गजबजलेल्या बाजारपेठेत आज अचानक भीषण आग लागल्याची घटना घडली. हॉटेल सन्मान समोरील एका दुकानाला ही आग लागून संपूर्ण दुकान जळून खाक झाले आहे.
मिळालेल्या प्राथमिक माहितीनुसार, आग नेमकी कशामुळे लागली याचे कारण अद्याप स्पष्ट झालेले नाही. आग लागल्यानंतर परिसरात एकच खळबळ उडाली असून नागरिकांनी तत्काळ अग्निशमन दलाला माहिती दिली.
अग्निशमन दलाच्या जवानांनी घटनास्थळी धाव घेत आग आटोक्यात आणण्याचे प्रयत्न केले. मात्र, तोपर्यंत दुकानातील मोठ्या प्रमाणावर नुकसान झाले आहे. सुदैवाने, या घटनेत कोणतीही जीवितहानी झाल्याची माहिती समोर आलेली नाही.
पोलीस व संबंधित यंत्रणा घटनास्थळी दाखल झाली असून पुढील तपास सुरू आहे.
👉 दापोली क्राईम वॉचचा सल्ला :
व्यापाऱ्यांनी दुकानांमध्ये अग्निसुरक्षेच्या उपाययोजना करणे अत्यंत आवश्यक असून, विजेच्या उपकरणांची नियमित तपासणी करावी.
मुख्य संपादक: संदीप जाधव
