🚨 खेडमध्ये मध्यरात्री गॅस पंपावर राडा; कारची तोडफोड करत चालकाला मारहाण 🚨

🚨 खेडमध्ये मध्यरात्री गॅस पंपावर राडा; कारची तोडफोड करत चालकाला मारहाण 🚨

📍 कळंबणी येथील महानगर गॅस पंपावरील धक्कादायक घटना

रत्नागिरी जिल्ह्यातील खेड तालुक्यात कळंबणी येथील महानगर गॅस पंपावर गॅस भरण्याच्या रांगेतून सुरू झालेला वाद थेट हिंसाचारापर्यंत पोहोचल्याची धक्कादायक घटना समोर आली आहे. या प्रकरणी सहा अज्ञात इसमांविरोधात खेड पोलीस ठाण्यात गुन्हा दाखल करण्यात आला असून पोलिसांकडून आरोपींचा शोध सुरू आहे.

मिळालेल्या माहितीनुसार, उत्तमकुमार सुखराज जैन (वय ५४) हे त्यांच्या टाटा नेक्सॉन कारमधून गॅस भरण्यासाठी रांगेत उभे होते. त्यावेळी स्विफ्ट डिझायर कारमधून आलेल्या सहा जणांनी जबरदस्तीने रांगेत गाडी घुसवण्याचा प्रयत्न केला. यावरून दोन्ही बाजूंमध्ये जोरदार वाद निर्माण झाला.

वाद वाढल्यानंतर संतप्त आरोपींनी नेक्सॉन कारच्या काचा फोडून वाहनाचे मोठे नुकसान केले. तसेच चालकाला शिवीगाळ करत मारहाण व धमकी दिल्याचा आरोप करण्यात आला आहे. मध्यरात्री घडलेल्या या प्रकारामुळे गॅस पंप परिसरात काही काळ तणावाचे वातावरण निर्माण झाले होते.

या घटनेमुळे परिसरात एकच खळबळ उडाली असून नागरिकांमध्ये भीतीचे वातावरण निर्माण झाले आहे. सार्वजनिक ठिकाणी किरकोळ कारणांवरून वाढणाऱ्या गुंडगिरीच्या घटनांमुळे कायदा-सुव्यवस्थेवर प्रश्नचिन्ह उपस्थित होत असल्याची चर्चा नागरिकांमध्ये सुरू आहे.

या प्रकरणी भारतीय न्यायसंहिता (BNS) अंतर्गत विविध कलमांनुसार गुन्हा नोंद करण्यात आला असून पुढील तपास खेड पोलीस करत आहेत.

महाराष्ट्र नामा

मुख्य संपादक: संदीप जाधव