🚨 ठाणेकरांनो लक्ष द्या : दिवा, मुंब्रा, कळवा परिसरात २४ तास पाणीपुरवठा बंद 🚨

🚨 ठाणेकरांनो लक्ष द्या : दिवा, मुंब्रा, कळवा परिसरात २४ तास पाणीपुरवठा बंद 🚨

ठाणे महानगरपालिका क्षेत्रातील अनेक भागांमध्ये गुरुवार ४ जून दुपारी १२ वाजल्यापासून ते शुक्रवार ५ जून दुपारी १२ वाजेपर्यंत तब्बल २४ तास पाणीपुरवठा पूर्णपणे बंद राहणार आहे. महाराष्ट्र औद्योगिक विकास महामंडळाच्या (MIDC) जांभूळ जलशुद्धीकरण केंद्रातून होणाऱ्या पुरवठ्यावर हा परिणाम होणार आहे.

अलनिनो आणि आयओडीच्या प्रभावामुळे पावसाळा उशिरा येण्याची शक्यता व्यक्त करण्यात आली असून भविष्यात निर्माण होणारी पाणीटंचाई टाळण्यासाठी जलसंपदा विभागाच्या आढावा बैठकीत पाणी कपातीचा निर्णय घेण्यात आला आहे.

या शटडाऊनचा फटका दिवा, मुंब्रा, कळवा परिसरातील नागरिकांना बसणार असून मुंब्रा प्रभागातील २६ व ३१ क्रमांकाच्या काही भागांना मात्र यामधून वगळण्यात आले आहे. तसेच वागळे प्रभागातील रुपादेवी पाडा, किसननगर नं.२, नेहरूनगर आणि मानपाडा परिसरातील कोलशेत खालचा गाव येथेही पाणीपुरवठा पूर्णपणे बंद राहणार आहे.

महापालिकेने दिलेल्या माहितीनुसार, पाणीपुरवठा पुन्हा सुरू झाल्यानंतरही पुढील १ ते २ दिवस कमी दाबाने पाणी येण्याची शक्यता आहे. त्यामुळे नागरिकांनी आवश्यक तेवढाच पाणीसाठा करून पाणी काटकसरीने वापरावे, असे आवाहन प्रशासनाकडून करण्यात आले आहे.

दरवर्षी कोट्यवधींच्या योजना आणि पाणी व्यवस्थापनाच्या दाव्यांनंतरही नागरिकांना वारंवार पाणी कपातीचा सामना करावा लागत असल्याने प्रशासनाच्या नियोजनावर प्रश्नचिन्ह उपस्थित होत आहे.

महाराष्ट्र नामा

मुख्य संपादक: संदीप जाधव