Kalyan: खळबळजनक! अल्पवयीन मुलीवर सलग पाच महिने सामूहिक अत्याचार; सात नराधमांचं दुष्कृत्य, गुन्हा दाखल.
कल्याणात कॉलेजमध्ये शिक्षण घेणार्या एका अल्पवयीन मुलीवर सामुहिक अत्याचार कऱण्यात आला आहे. गेल्या पाच महिन्यांपासून नराधमांनी तिच्यासोबत दुष्कृत्य केले आणि त्याचे व्हिडिओही बनवत तिच्यावर दबाव टाकला. व्हिडिओ व्हायरल झाल्यानंतर हा संपूर्ण घृणास्पद प्रकार समोर आला आहे. मुलगीही गेल्या काही महिन्यांपासून प्रचंड मानसिक तणावात होती. पोलिसांनी अखेर सातही जणांना अटक केली असून न्यायालयाने त्यांची पोलीस कोठडीत रवानगी केली आहे.
कल्याण : कल्याणात कॉलेजमध्ये शिक्षण घेणाऱ्या एका अल्पवयीन मुलीवर भयंकर प्रसंग गुदरला. मुलीसोबत इंस्टाग्रामवर एका तरूणाने मैत्री केली. त्यानंतर तिच्या सोबत शरीरसंबंधही प्रस्थापित केले. या संपूर्ण प्रकाराचा व्हिडीओही त्याने शूट केला. हा व्हिडीओ एका मित्राकडून दुसऱ्या, दुसऱ्याकडून तिसऱ्या आणि तिसऱ्याकडून चौथ्याकडे गेला. अशा सात जणांकडे तो व्हिडीओ पोहोचला. या सात ही जणांनी नंतर या मुलीवर आळीपाळीने जवळपास पाच महिने अत्याचार केले. संतापजनक म्हणजे सातही जणांनी वेळोवेळी व्हिडीओ देखील काढले. हे व्हिडीओ ज्यावेळी व्हायरल झाले त्यावेळी ते तिच्या कुटुंबियांपर्यंत पोहोचले. त्यानंतर हे सर्व बिंग फुटलं. सातही जणांना अटक करण्यात आली असून पोलीस कोठडीत रवानगी करण्यात आली.
कल्याणच्या महात्मा फुले चौक पोलीस ठाण्याच्या हद्दीत एक विद्यार्थीनी तिच्या आईसोबत राहते. ही मुलगी महाविद्यालयात शिक्षण घेत आहे. तिची ओळख इंस्टाग्रामच्या माध्यमातून राहूल भोईर याच्या बरोबर झाली. या ओळखीचे रूपांतर प्रेमात झाले. प्रेम झाल्यानंतर या राहूल भोईर याने मुली सोबत शरिरसंबंध प्रस्थापित केले. त्याचा व्हिडीओ त्याने तयार केला. हे सर्व एप्रिल महिन्यात घडले होते. या मैत्रीतून त्याने तिला त्याच्या प्रेमाच्या जाळ्यात अडकविले होते. या मुलीवर तो लैगिंक अत्याचार करतच होता. त्याचा वेळोवेळी व्हिडियो देखील तयार करत होता. तो व्हिडिओ राहुलने त्याचा दुसरा मित्र देवा पाटील याला पाठविला. देवा पाटीलने त्या मुलीशी संपर्क साधला. शिवाय व्हिडियो व्हायरल करण्याची धमकीही दिली. त्या बदल्यात ब्लॅकमेल करणाऱ्या देवानेही तिच्यावर लैगिंक अत्याचार केले.
त्यानंतर तर आणखी भयंकर घडले. हा व्हिडीओ पुढे अजित सुरवसे, गौरव सुरवसे, हर्षल पोळसे, जयेश मोरे आणि किरण सुरवसे यांनाही पाठविण्यात आला. त्यांनीही त्या मुलीला व्हिडीओ व्हायरल करण्याची धमकी दिली. त्या बदल्यात शरिरसुखाची मागणी करत तिच्यावर दबाव टाकला आणि लैंगिक अत्याचार केला. हे सगळे आरोपी मुरबाड आणि भिवंडी परिसरात राहणारे आहे. शिवाय आरोपी धनाढ्य कुटुंबातील आहेत.
त्यानंतर तर आणखी भयंकर घडले. हा व्हिडीओ पुढे अजित सुरवसे, गौरव सुरवसे, हर्षल पोळसे, जयेश मोरे आणि किरण सुरवसे यांनाही पाठविण्यात आला. त्यांनीही त्या मुलीला व्हिडीओ व्हायरल करण्याची धमकी दिली. त्या बदल्यात शरिरसुखाची मागणी करत तिच्यावर दबाव टाकला आणि लैंगिक अत्याचार केला. हे सगळे आरोपी मुरबाड आणि भिवंडी परिसरात राहणारे आहे. शिवाय आरोपी धनाढ्य कुटुंबातील आहेत.
मुख्य संपादक: संदीप जाधव
