⭕ब्रेकिंग ; दिव्यात चाळीच्या गॅलरीचा स्लॅब कोसळला ; १० जणं अग्निशमन दलाच्या जवानांकडून सुखरूप बाहेर
ठाणे, दिवा ता १५ सप्टेंबर : दिनांक १४/०९/२०२५ रोजी १० : २९ वाजताच्या सुमारास एन.आर.नगर, गावदेवी मंदिर जवळ, दिवा (प.), ठाणे या ठिकाणी संजय म्हात्रे चाळीच्या (तळ + ०१ मजली/ १५ ते २० वर्षे) मधील पहिल्या मजल्याच्या गॅलरीचा काही भाग कोसळला असून उर्वरित भाग धोकादायक स्थितीत आहे.सदर घटनास्थळी बांधकाम विभागाचे कनिष्ठ अभियंता, आपत्ती व्यवस्थापन कक्षाचे कर्मचारी ०२- पिकअप वाहनासह, अग्निशमन दलाचे जवान ०१-फायर वाहन व ०१-रेस्क्यू वाहनासह, टोरंट पॉवरचे कर्मचारी उपस्थित होते.
सदर घटनास्थळी गॅलरीचा भाग कोसळल्याने पहिल्या मजल्यावरील ०३ – सदनिकांमध्ये एकूण १० व्यक्ती अडकल्या होत्या, त्यांना अग्निशमन दलाच्या जवानांकडून सुखरूप बाहेर काढण्यात आले असून उर्वरित गॅलरी धोकादायक स्थितीत आहे.
सदर चाळीमध्ये एकूण ४० सदनिका असून त्यापैकी ३० सदनिका सुरक्षेच्या दृष्टीने रिकाम्या करण्यात आल्या असून अंदाजे ३५ ते ४० रहिवाश्यांना तात्पुरत्या स्वरूपात त्यांच्या नातेवाईकांकडे राहण्याच्या सूचना देण्यात आल्या आहेत.
मुख्य संपादक: संदीप जाधव
