कपडे काढ नाहीतर भावाला संपवेन; अल्पवयीन मुलीसोबत नराधमाने नको ते केलं, रडत रडत घरी आली अन्… नवी मुंबईत संताप
भावाला जीवे मारण्याची धमकी देत एका 12 वर्षांच्या अल्पवयीन मुलीवर लैंगिक अत्याचार करण्यात आल्याची धक्कादायक घटना नवी मुंबईत घडली आहे. याप्रकरणी पोलिसांनी नराधमाला अटक केली आहे.
नवि मुंबई 12 वर्षांच्या मुलीचा विनयभंग केल्याच्या आरोपाखाली नवी मुंबईतील नेरुळ पोलिसांनी एका व्यक्तीला अटक केली आहे. पीडितेच्या आईच्या तक्रारीनंतर ही कारवाई करण्यात आल्याची माहिती आहे. या व्यक्तीने अल्पवयीन मुलीला तिच्या भावाला संपवण्याची धमकी देत तिच्यावर अत्याचार केल्याचा आरोप आहे. या घटनेने नवी मुंबईत संतापाची लाट उसळली आहे.
याप्रकरणी पोलिसांनी दिलेल्या माहितीनुसार, मुलीची आई कामावर गेली असताना, ही अल्पवयीन मुलगी घरी एकटी असताना ही घटना घडली आहे. आरोपीने व्यक्तीने अल्पवयीन मुलगी घरी एकटी असल्याचा फायदा घेत तिला आपल्या घरी नेलं. त्यानंतर, त्याने तिला धमकी दिली. जर तिने आरोपीतं म्हणणं ऐकलं नाही, तर तिच्या भावाला जिवे मारण्याची धमकी तिला दिली. भावाला मारण्याची धमकी ऐकताच ती घाबरली. अल्पवयीन मुलीला दबावाखाली आणून तिचे कपडे काढण्यास भाग पाडले गेले आणि मग आरोपीने तिच्यावर लैंगिक अत्याचार केला.
या घटनेनंतर घरी परतल्यावर मुलीने रडत रडत तिच्या आईला घडलेला प्रकार सांगितला. हे ऐकताच आईच्या पायाखालची जमीन सरकली. आईने ताबडतोब नेरुळ पोलिस ठाण्यात जाऊन तक्रार दाखल केली. पोलिसांनी मुलीची वैद्यकीय तपासणी केली, ज्यामध्ये तिच्यावर लैंगिक अत्याचार झाल्याचे सिद्ध झाले. त्यानंतर पोलिसांच्या पथकाने आरोपीला त्याच्या घरुन अटक केली.
एका पोलिस अधिकाऱ्याने दिलेल्या माहितीनुसार, सध्या आरोपीची चौकशी केली जात आहे आणि या प्रकरणाशी संबंधित अधिक पुरावे गोळा केले जात आहेत. मुलीला मानसिकदृष्ट्या सुरक्षित वाटावे यासाठी तिचे समुपदेशन देखील केले जाणार आहे.
या घटनेने नवी मुंबई परिसरात संतापाची लाट उसळली असून नराधमाला फाशीची शिक्षा द्यावी अशी मागणी होत आहे. त्याच प्रमाणे लहान मुलांवरील अत्याचाचारे प्रमाण वाढले असल्याचंही या घटनेने पुन्हा एकदा सिद्ध झाले आहे. पोलिस याबाबत काय अधिक तपास करून सबळ पुरावे कोर्टात सादर करून या आरोपीला शिक्षा देण्यास भाग पडतात याबाबतही पाहणे महत्त्वाचे असेल.
मुख्य संपादक: संदीप जाधव
