बिर्याणीची मेजवानी पोलिसांच्या अंगलट; कैद्यांच्या मारहाणीत जखमी पोलिसच चौकशीच्या फेऱ्यात, प्रकरण काय?
कारागृहात गंभीर गुन्ह्यांत शिक्षा भोगणाऱ्या कैद्यांसाठी न्यायालय ते कारागृह या २० मिनिटांच्या प्रवासासाठी थेट बिर्याणीची सोय करण्यात आल्याने आश्चर्य व्यक्त होत आहे
न्यायालयात सुनावणीसाठी आणलेल्या कैद्यांना पुन्हा कारागृहात नेताना बराच वेळ पोलिस व्हॅनमध्ये ताटकळत बसावे लागल्याने संतापलेल्या कैद्यांनी पोलिसांना मारहाण करत त्यांच्यावर बिर्याणीचे कंटेनर फेकून मारल्याची घटना बुधवारी दुपारच्या सुमारास कल्याण न्यायालयाबाहेर घडली होती. या घटनेनंतर कैद्यांना दुपारच्या जेवणात बिर्याणी का आणि कोणी दिली?, असा प्रश्न उपस्थित झाल्याने कैद्यांच्या मारहाणीत जखमी झालेले पोलिस कर्मचारीच आता चौकशीच्या फेऱ्यात अडकले आहेत. पोलिस उपायुक्त अतुल झेंडे यांनी याप्रकरणी संबंधित पोलिस कर्मचाऱ्याची चौकशी सुरू केल्याचे सांगितले. कारागृहात शिक्षा भोगत असलेल्या कैद्यांना बिर्याणी का दिल्या जात असल्याचे आरोप अनेकदा करण्यात आले असले तरी पोलिसांसह कारागृह – प्रशासनाकडून कायमच हे आरोप फेटाळण्यात आले आहेत. यामुळे कैद्यांना कारागृहात बिर्याणी मिळते, याबाबतचे कोणतेही पुरावे अद्याप सिद्ध करता जाले नव्हते. बुधवारी कल्याण न्यायालयात सुनावणीसाठी आणलेल्या कैद्यांना पुन्हा कारागृहात नेण्याचे आदेश दिल्यानंतर एका कैद्याची सुनावणी सुरू असल्याने इतर कैद्यांना पोलिसांनी पोलिस व्हॅनमध्ये बसवून ठेवले होते. जवळपास ४५ मिनिटे कैद्यांना प्रतीक्षा करावी लागल्याने ड्युटीवरील पोलिस कर्मचाऱ्याला कैद्यांनी जाब विचारत शिवीगाळ करत गोंधळ घातला. यामुळे इतर पोलिस कर्मचाऱ्यांनी या कैद्यांना दमटावत शांत करण्याचा प्रयत्न करताच या कैद्यांनी थेट पोलिसांच्या कॉलरला हात घालत त्यांना शिवीगाळ व मारहाण केली. एवढ्यावरच हे कैदी थांबले नाहीत तर त्यांनी त्यांच्यासाठी शेवटच्या सीटवर ठेवलेले बिर्याणीचे कंटेनर पोलिसांवर फेकून मारल्याचे पोलिस कर्मचाऱ्यांनी तक्रारीत नमूद केल्यानंतर त्यांच्याच अडचणींत वाढ झाली आहे. वास्तविक कैद्यांना कारागृहात कोणते जेवण दिले जावे, कधी दिले जावे, त्याचे प्रमाण किती असावे, त्यात तिखट-मीठ-पीठ किती असावे, याचे प्रमाण ठरवून देण्यात आले आहे. त्या व्यतिरिक्त कैद्यांना अतिरिक्त जेवण हवे असल्यास त्यांना त्यासाठी परवानगी घेऊन पैसे देऊन खरेदी करावे लागते. मात्र तरीही कैद्यांना बिर्याणी खाऊ घालण्याची परवानगी तुरुंग प्रशासनाकडून देण्यात आलेली नाही, असे तुरुंग प्रशासनाचे म्हणणे आहे.
ड्युटीवर असताना मारहाण करणाऱ्या कैद्यांना धडा शिकविण्यासाठी जखमी पोलिसांनी पोलिस व्हॅन थेट पोलिस ठाण्यात नेत त्यांच्याविरोधात गुन्हा दाखल करत घडलेला प्रकार नमूद केला असला तरी आता कैद्यांची बिर्याणी पार्टी वादात सापडण्याची चिन्हे आहेत.वास्तविक कैद्यांना कारागृहात कोणते जेवण दिले जावे, कधी दिले जावे, त्याचे प्रमाण किती असावे, त्यात तिखट-मीठ-पीठ किती असावे, याचे प्रमाण ठरवून देण्यात आले आहे. त्या व्यतिरिक्त कैद्यांना अतिरिक्त जेवण हवे असल्यास त्यांना त्यासाठी परवानगी घेऊन पैसे देऊन खरेदी करावे लागते. मात्र तरीही कैद्यांना बिर्याणी खाऊ घालण्याची परवानगी तुरुंग प्रशासनाकडून देण्यात आलेली नाही, असे तुरुंग प्रशासनाचे म्हणणे आहे.
ड्युटीवर असताना मारहाण करणाऱ्या कैद्यांना धडा शिकविण्यासाठी जखमी पोलिसांनी पोलिस व्हॅन थेट पोलिस ठाण्यात नेत त्यांच्याविरोधात गुन्हा दाखल करत घडलेला प्रकार नमूद केला असला तरी आता कैद्यांची बिर्याणी पार्टी वादात सापडण्याची चिन्हे आहेत. प्रकरणी गुन्हा दाखल होताच या प्रकरणाची चौकशी सुरू केली आहे. पोलिस व्हॅनमध्ये कैद्यांसाठी बिर्याणी कशी आली, याचीही चौकशी सुरू करण्यात आली आहे. –अतुल झेंडे, पोलिस उपायुक्त
मुख्य संपादक: संदीप जाधव
