नो डोनेशन नो फी अभियान राबवून हजारो विद्यार्थ्यांना मोफत शिक्षण मिळवून देणार…..अमोल धनराज केंद्रे
दिवा शहरातील खाजगी शाळा एका बाजूस शासनाच्या कडून अनुदान घेतात आणि दुसऱ्या बाजूला विद्यार्थ्यांच्या कडून डोनेशन घेतात,फी घेतात त्यांना मिळणाऱ्या सवलती देत नाहीत.त्यामुळे दिवा शहरातील शासकीय अनुदान घेणाऱ्या खाजगी शाळांची चौकशी करून त्यांच्यावर योग्य ती कार्यवाही करावी.अनुदान घेणाऱ्या ,न घेणाऱ्या शाळांचे ऑडिट कधी केले याची सविस्तर माहिती घेऊन.ऑडिट केले नसल्यास त्यांच्यावर कार्यवाही करावी.सदर शाळांच्या इमारती अनधिकृत असल्यास त्या बाबत शाळांना परवानगी देणाऱ्या अधिकारी कर्मचारी यांच्यावर कार्यवाही करावी.कारण सदर इमारती मध्ये दुर्घटना घडल्या ,होऊ नये पण विद्यार्थ्यांच्या सोबत जीवित हानी झाली तर याची जबाबदारी शालेय व्यवस्थापना असेल. अनुदान घेणाऱ्या खाजगी शाळा मध्ये विद्यार्थ्यांना मोफत शिक्षण तेही कोणतेही डोनेशन न देता मिळते.तो विद्यार्थ्यांचा हक्क आहे.त्यांना त्यामुळे शासकीय अनुदान घेणाऱ्या शाळांच्या बाहेर अनुदानातून मिळणाऱ्या सुविधांची सर्व माहिती देणारे फलक बॅनर शाळेच्या बाहेर लावण्याची मागणी धडाकेबाज युवा प्रतिष्ठानचे अध्यक्ष श्री अमोल धनराज केंद्रे यांनी बाळासाहेब राक्षे शिक्षणाधिकारी जिल्हा परिषद ठाणे यांच्या कडे निवेदनातून केली आहे.यामुळे दिवा शहरातील शिक्षणाच्या नावाने चाललेला काळा बाजार बंद करून नो डोनेशन,नो फी अभियान राबवून दिवा शहरातील हजारो विद्यार्थ्यांना मोफत शिक्षण मिळवून देणार असल्याचे सांगितले..
मुख्य संपादक: संदीप जाधव
