देसाई–पडले परिसरातील पाणीटंचाई दूर होण्यास दिलासा; ५०० मिमी नवीन पाइपलाइनचे उद्घाटन.
ठाणे, दि. २२ एप्रिल २०२६ — देसाई ते पडले परिसरातील जीर्ण व खराब अवस्थेतील जुन्या पाण्याच्या लाईनमुळे निर्माण झालेल्या समस्येवर अखेर तोडगा निघाला असून, ठाणे महानगरपालिका मार्फत ५०० मिमी व्यासाच्या नवीन पाइपलाइनचे उद्घाटन आज देसाई नाका, क्रोमा शोरूम समोर करण्यात आले.
हा प्रकल्प महाराष्ट्राचे उपमुख्यमंत्री Eknath Shinde (एकनाथ शिंदे) व खासदार Shrikant Shinde (डॉ. श्रीकांत शिंदे) यांच्या मार्गदर्शनाखाली राबविण्यात आला. स्थानिक आमदार Rajesh More (राजेश मोरे) तसेच शहरप्रमुख रमाकांत मढवी यांच्या सहकार्याने या कामाला गती मिळाली.
नवीन पाइपलाइनचे काम सुरू झाल्यामुळे देसाई, पडले व खिडकाली या परिसरातील नागरिकांच्या पाणीटंचाईच्या समस्येला मोठा दिलासा मिळणार असल्याचे सांगण्यात आले.
या उद्घाटन कार्यक्रमास नगरसेवक बाबाजी बाळाराम पाटील, नगरसेविका सौ. अर्चना निलेश पाटील, नगरसेविका सौ. वेदिका साहिल पाटील, ठाणे महानगरपालिकेचे अधिकारी वाघीरे साहेब, विभाग प्रमुख विष्णू कोटकर, उपविभाग प्रमुख दीपेश पाटील तसेच इतर पदाधिकारी व स्थानिक कार्यकर्ते मोठ्या संख्येने उपस्थित होते.
या प्रकल्पामुळे परिसरातील पाणीपुरवठा अधिक सुरळीत व सक्षम होण्याची अपेक्षा व्यक्त करण्यात येत आहे.
मुख्य संपादक: संदीप जाधव
