“गडकरी रंगायतनात बाळासाहेबांच्या व दिघे साहेबांच्या उद्घाटनाची शिळा कोपऱ्यात – शिंदेंना दिसली नाही का?” – ऍड.रोहिदास मुंडे
ठाणे:- शिवसेना (उद्धव बाळासाहेब ठाकरे) पक्षाचे कल्याण ग्रामीण विधानसभा प्रमुख ऍड.रोहिदास मुंडे यांनी ठाणेतील गडकरी रंगायतनच्या नूतनीकरणाच्या निमित्ताने उपमुख्यमंत्री एकनाथ शिंदे यांच्यावर सडकून टीका केली.
ऍड.रोहिदास मुंडे म्हणाले की, “1978 साली शिवसेनाप्रमुख बाळासाहेब ठाकरे यांच्या हस्ते ठाणे येथील गडकरी रंगायतनचे उद्घाटन झाले होते. त्या वेळी त्यांच्या हस्ते उद्घाटनाची शिळा देखील उभारण्यात आली होती. व ती दर्शनीय स्थली होती मात्र नूतनीकरण झाल्यानंतर ती शिळा कोपऱ्यात ठेवण्यात आली. 15 ऑगस्ट 2025 रोजी उपमुख्यमंत्री एकनाथ शिंदे यांच्या हस्ते उदघाटन झाले.उदघाटन करताना त्यांना बाळासाहेब ठाकरे व आनंद दिघे यांच्या हस्ते झालेल्या उद्घाटनाची शिळा दिसली नाही का? की त्यांना फक्त राजकारणासाठीच बाळासाहेबांचे व आनंद दिघे यांच नाव आठवते?”
ऍड.रोहिदास मुंडे पुढे म्हणाले की, “स्वतःला आनंद दिघे साहेबांचे शिष्य म्हणवणारे, आणि खरी शिवसेना चालवतो असा दावा करणारे शिंदे यांनी या अपमानाविरुद्ध आवाज उठवला नाही, हे जनतेच्या नजरेतून सुटणार नाही. ज्यांना आपल्या थोर नेत्यांचा सन्मान राखता येत नाही, त्यांच्याकडून शिवसेनेचा वारसा जपला जाईल अशी अपेक्षाही ठेवता येत नाही.”
- शेवटी मुंडे यांनी ठाम शब्दांत सांगितले की, “खरी शिवसेना ही विचार, निष्ठा आणि जनतेच्या आशीर्वादावर उभी आहे. बाळासाहेब आणि आनंद दिघे साहेबांचा वारसा टिकवणारी खरी शिवसेना आज उद्धव बाळासाहेब ठाकरे यांच्या नेतृत्वाखालीच आहे, आणि याबाबत जनतेमध्ये कोणताही संभ्रम नाही.”
मुख्य संपादक: संदीप जाधव
