📰 सामाजिक कार्यातील योगदानाला जागतिक सन्मान; डॉ. दिपक केदार यांना मानद डॉक्टरेट

📰 सामाजिक कार्यातील योगदानाला जागतिक सन्मान; डॉ. दिपक केदार यांना मानद डॉक्टरेट

गोवा येथे आयोजित कार्यक्रमात International University Education Council कडून सामाजिक कार्य क्षेत्रातील उल्लेखनीय योगदानाबद्दल दिपक केदार यांना “Honorary Doctorate (Social Work)” या मानद पदवीने सन्मानित करण्यात आले. गेल्या २० वर्षांपासून अन्याय-अत्याचाराविरोधात, तसेच शोषित-वंचितांच्या हक्कांसाठी सातत्याने लढा देत त्यांनी केलेल्या अभ्यास व कार्याची दखल घेत हा सन्मान प्रदान करण्यात आला.

या सन्मानाबाबत बोलताना डॉ. दिपक केदार यांनी सांगितले की, हा पुरस्कार वैयक्तिक नसून सामाजिक चळवळीत सक्रिय असलेल्या प्रत्येक कार्यकर्त्याचा आहे. “रस्त्यावर लढणाऱ्या प्रत्येक आवाजाचा आणि न्यायासाठी उभ्या असलेल्या प्रत्येक साथीदारांचा हा सन्मान आहे,” असे त्यांनी स्पष्ट केले.

या मानद डॉक्टरेटमुळे त्यांच्या नावासमोर आता “डॉ.” ही ओळख जोडली गेली असून, यापुढेही अधिक तीव्रतेने आणि जबाबदारीने सामाजिक अन्यायाविरोधात लढा सुरू ठेवण्याचा निर्धार त्यांनी व्यक्त केला.
सामाजिक क्षेत्रात सातत्याने कार्य करणाऱ्या व्यक्तीला मिळालेला हा सन्मान विविध स्तरांतून स्वागतार्ह मानला जात आहे.

महाराष्ट्र नामा

मुख्य संपादक: संदीप जाधव