📰 पावसाळ्यापूर्वी नालेसफाईला वेग; प्रभाग क्र. २९ मध्ये कामांची सुरुवात.

📰 पावसाळ्यापूर्वी नालेसफाईला वेग; प्रभाग क्र. २९ मध्ये कामांची सुरुवात.

ठाणे : प्रभाग क्र. २९ मधील शिळ फाटा–महापे–ठाकूर पाडा डोंगराळ भाग, काच गल्ली ते शिळफाटा मोठ्या नाल्यापर्यंत पावसाळ्यापूर्वी नालेसफाई कामांना आज (दि. १८ एप्रिल २०२६) प्रत्यक्ष सुरुवात करण्यात आली. पावसाळ्यात पाणी साचू नये व निचरा सुरळीत व्हावा यासाठी महानगरपालिकेने ही मोहीम हाती घेतली आहे.

साबेगाव परिसरातील अनेक वर्षांपासून तुंबलेले गटरदेखील महानगरपालिका कर्मचाऱ्यांच्या मदतीने साफ करण्यात आले. त्यामुळे स्थानिक नागरिकांना मोठा दिलासा मिळाला आहे.

या कामाच्या शुभारंभ प्रसंगी नगरसेवक बाबाजी बाळाराम पाटील, नगरसेविका अर्चना निलेश पाटील, बाळाराम पाटील, सावन ठाकूर, अरिफ कुमार, स्थानिक रहिवासी तसेच महानगरपालिका कर्मचारी उपस्थित होते.

यापूर्वी झालेल्या बैठकीत दोन दिवसांत नालेसफाई सुरू करण्याचे आश्वासन देण्यात आले होते. त्यानुसार प्रशासनाने तातडीने कार्यवाही करत कामाला सुरुवात केली आहे. प्रभागातील इतर भागांमध्येही टप्प्याटप्प्याने नालेसफाई करण्यात येणार असल्याची माहिती देण्यात आली.

या उपक्रमामुळे नागरिकांनी समाधान व्यक्त करत प्रशासनाच्या कार्याचे स्वागत केले आहे.

महाराष्ट्र नामा

मुख्य संपादक: संदीप जाधव