पालघर पोलीस दलाकडून अवैधरित्या गुटख्याची वाहतुक करणाऱ्या आरोपीवर कारवाई करून एकूण १६,०६,१००/- रुपये किंमतीचा मुद्देमाल जप्त.
आगामी गणेश उत्सवाच्या अनुषंगाने पोलीस अधीक्षक पालघर श्री. यतिश देशमुख यांनी पालघर जिल्हयातील अवैध धंदयावर कारवाया करण्याबाबत सर्व पोलीस ठाणे प्रभारी अधिकारी व स्थानिक गुन्हे शाखा, पालघर यांना सक्त सुचना दिलेल्या आहेत.
दिनांक २८/०८/२०२५ रोजी स्थानिक गुन्हे शाखा, पालघरचे पोलीस पथक हे मुंबई-अहमदाबाद महामार्गावर अवैध धंद्यावर कारवाई करण्याचे अनुषंगाने पेट्रोलींग करीत असतांना गोपणीय बातमी मिळाली की, गुजरात बाजूकडून मुंबई बाजूकडे अवैधरित्या गुटख्याची वाहतूक होणार आहे. नमूद माहितीच्या आधारे तलासरी पोलीस ठाणे हद्दितील मुंबई-अहमदाबाद महामार्गावर हिमाचल पंजाब ढाब्याचे समोर संशयीत वाहने चेक करत असताना DD03R9277 या क्रमांकाचा आयसर टेम्पो येत असताना दिसून आला. सदर टेम्पो चालकास टेम्पो बाजूला घेण्यास सांगून त्यास व त्याचे दोन साथीदार यांना नाव पत्ता विचारले असता त्यांनी आपले नाव १) मोहम्मद अरबाज जमीरउल हक, वय २२ वर्षे, व्यवसाय-चालक, रा. नरसिंहगड, पो. मुआर आधारगंज बनवारपुरा, जि. प्रतापगड उत्तरप्रदेश, २) दिलशाद शमशाद अली, वय २० वर्षे, व्यवसाय चालक, रा. भदारी काला पोस्ट-लालगंज, अझरा भद्रकाली लालगंज जि. प्रतापगड उत्तरपदेश, ३) नेनाराम छबुजी गुजर, वय ४८ वर्षे, व्यवसाय व्यापार, रा. नराणा, जि. राजसमन्द राजस्थान असे सांगितले. नमूद आयसर टेम्पोची तपासणी केली असता त्यामध्ये महाराष्ट्र राज्यात विक्रीकरीता प्रतिबंधीत असलेला ६,०६,१००/- रूपये किंमतीचा गुटखा व तंबाखूजन्य पदार्थ मिळून आला. त्यामुळे आयसर टेम्पोसह एकूण १६,०६,१००/- रुपये किंमतीचा मुद्देमाल जप्त करण्यात आला. नमूद आरोपींविरूध्द तलासरी पोलीस ठाणे येथे । १८६/२०२५ भारतीय न्याय संहिता सन २०२३ चे कलम १२३, २२३, २७४, २७५ सह अन्न सुरक्षा मानके कायदा २००६ चे कलम २३, २६ (२), २६ (२) (iv), २७, ३० (२) (अ) प्रमाणे गुन्हा दाखल करण्यात आला आहे. गुन्हयाचा पुढील तपास हा पोउपनि/जितेंद्र कांबळे नेम. तलासरी पोलीस ठाणे हे करत आहेत.
सदरची कारवाई ही श्री. यतिश देशमुख, पोलीस अधीक्षक, पालघर, श्री. विनायक नरळे, अपर पोलीस अधीक्षक, पालघर यांचे मार्गदर्शन व सुचनांप्रमाणे पोलीस निरीक्षक श्री. प्रदिप पाटील, पोउपनि/स्वप्नील सावंतदेसाई, पोहवा /९२१ भगवान आव्हाड, पोअमं/२९६ बजरंग अमनवाड, पोअमं/१६९९ नरेश घाटाळ, पोअमं/१२९८ विशाल कडव सर्व नेमणुक स्थानिक गुन्हे शाखा, पालघर यांनी केली आहे.
मुख्य संपादक: संदीप जाधव
