दिवा पोलीस चौकी येथे शालेय विद्यार्थ्यांसाठी जनजागृती व मार्गदर्शन शिबिराचे आयोजन
.
दिवा (दि. २९/११/२०२५): मुंब्रा पोलीस स्टेशनच्या हद्दीतील दिवा पोलीस चौकी येथे आज दुपारी १४:०० ते १५:०० या वेळेत ‘पब्लिक स्कूल, दातिवली (दिवा)’ या शाळेच्या विद्यार्थ्यांसाठी विशेष मार्गदर्शन आणि चर्चासत्राचे आयोजन करण्यात आले होते.
विद्यार्थ्यांमध्ये कायद्याची समज वाढावी आणि सुरक्षिततेविषयी जागरूकता निर्माण व्हावी, या उद्देशाने शाळेचे विद्यार्थी, विद्यार्थिनी आणि शिक्षकांना पोलीस चौकीत निमंत्रित करण्यात आले होते. या कार्यक्रमात सहाय्यक पोलीस निरीक्षक (API) श्री. प्रवीण सुरवाडे यांनी विद्यार्थ्यांना पोलीस स्टेशनचे कामकाज कसे चालते, याबद्दल सविस्तर माहिती दिली.
यावेळी खालील महत्त्वाच्या विषयांवर विद्यार्थ्यांना मार्गदर्शन करण्यात आले:
* सायबर क्राईम व ऑनलाईन फ्रॉड: इंटरनेटचा वापर करताना घ्यायची काळजी.
* गुड टच आणि बॅड टच: सुरक्षिततेच्या दृष्टीने जागृती.
* डायल ११२ (Dial 112): आपत्कालीन मदतीसाठी संपर्क कसा करावा.
* अमली पदार्थ विरोधी जनजागृती: व्यसनाधीनतेचे दुष्परिणाम.
कार्यक्रमाच्या शेवटी प्रश्नोत्तरांच्या तासात विद्यार्थ्यांच्या मनातील शंकांचे आणि प्रश्नांचे निरसन श्री. सुरवाडे यांनी केले.
सदर कार्यक्रमासाठी गोपनीय अंमलदार श्री. रवि सातपुते, पोलीस अंमलदार पडवळे, तसेच शाळेचे संस्थापक अध्यक्ष श्री. विनोद पाटील सर, शिक्षिका रविना मॅडम, कृतिका मॅडम आणि सुमारे ५० ते ६० विद्यार्थी-विद्यार्थिनी उपस्थित होते.
मुख्य संपादक: संदीप जाधव
