बीड : 80 हजारांची मागणी, बार्गेनिंग करुन 60 हजार ठरले, API आणि पोलीस कॉन्स्टेबलला लाच घेताना पकडलं
Beed Crime News : मिळालेल्या माहितीनुसार, चकलांबा पोलीस ठाण्याचे प्रभारी अधिकारी संदीप पाटील यांनी एका वाळू माफियाकडे कामाच्या बदल्यात 80 हजार रुपयांच्या लाचेची मागणी केली होती. या मागणीबाबत लाचलुचपत प्रतिबंधक विभागाकडे तक्रार प्राप्त झाली होती. त्यानंतर झालेल्या तडजोडीअंती 60 हजार रुपये देण्याचे निश्चित झाले होते. यातील 50 हजार रुपयांचा पहिला हप्ता पोलीस कॉन्स्टेबल सुरवसे याच्याकडे देण्याचे निर्देश संदीप पाटील यांनी दिले होते.
Beed Crime News : बीड जिल्ह्यातील गेवराई तालुक्यातील चकलांबा पोलीस ठाण्याचे प्रभारी सहाय्यक पोलीस निरीक्षक (API) संदीप पाटील आणि पोलीस कॉन्स्टेबल सुरवसे यांना 50 हजार रुपयांची लाच स्वीकारताना रंगेहात पकडण्यात आले आहे. या कारवाईमुळे पोलीस दलात मोठी खळबळ उडाली असून लाचलुचपत प्रतिबंधक विभागाने ही सापळा लावून यशस्वी कारवाई केली आहे. या दोन्ही आरोपींच्या विरोधात चकलांबा पोलीस ठाण्यात गुन्हा दाखल करण्याची प्रक्रिया पूर्ण करण्यात आली आहे.
मुख्य संपादक: संदीप जाधव
