*एलपीजी गॅस टंचाईची भीती बाळगू नका; ठाणे जिल्हा प्रशासनाकडून मदत क्रमांक जाहीर*
ठाणे, दि.13(जिमाका):- जागतिक युध्द परिस्थिती विचारात घेता इंधन व घरगुती गॅसचे वितरण सुरळीत ठेवण्याबाबत व अनियमिततेस पायबंद घालण्याच्या दृष्टीने जिल्हा पुरवठा कार्यालय, ठाणे यांच्या वतीने जिल्हाधिकारी कार्यालय, ठाणे येथे आपत्ती व्यवस्थान कक्ष कार्यान्वित करण्यात आला असून या नियंत्रण कक्षाचा भ्रमणध्वनी क्रमांक ९३७२३३८८२७/ दूरध्वनी क्रमांक ०२२-२५३०१७४० हा आहे.
घरगुती एलपीजी गॅसचा पुरवठा सुरळीतपणे सुरु असल्याचे तेल कंपनीने स्पष्ट केले आहे. यास्तव नागरिकांनी टंचाईच्या गैरसमजातून आवश्यकता नसताना घरगुती गॅस सिलेंडरचे प्रि-बुकींग करु नये, असे आवाहन जिल्हा प्रशासनाच्या वतीने करण्यात आले आहे.
प्रसारमाध्यमे, नागरिक, गॅसधारक व सन्माननीय लोकप्रतिनिधी यांच्या सुविधेकरीता तसेच तक्रारी व शंकांचे निरसनाकरिता या हेल्पलाईन क्रमांकाचा वापर करावा, असे आवाहन जिल्हा प्रशासनाकडून करण्यात आले आहे.
मुख्य संपादक: संदीप जाधव
